Loading Events

« All Events

  • This event has passed.

Ոսկե ծիրան 17-րդ միջազգային կինոփառատոն՝ գերմանական ֆիլմերի ծրագիր

November 9 @ 18:00 - November 26 @ 21:00

Երեւանի #ՈսկեԾիրան 17-րդ միջազգային կինոփառատոնը՝ իր «Աջակցություն կինոթատրոններին» նախագծի շրջանակում նոյեմբերի ընթացքում գերմանական ֆիլմերի հատուկ ծրագիր կիրականացնի, որը նվիրված կլինի Գերմանիայի վերամիավորման 30-ամյակին։
Երևանում Գյոթե կենտրոնը ավանդաբար աջակցում է փառատոնին, եւ փառատոնային բազում ծրագրեր իրականություն են դառնում հենց այդ համագործակցության շնորհիվ։ Սերտ համագործակցությունը կշարունակվի նաեւ այս տարի, եւ 17-րդ փառատոնի շրջանակում գերմանական հատուկ ծրագրի ընթացքում կցուցադրվի 5 ֆիլմ։
🎥 Գերմանական ֆիլմերի ծրագիրը կբացվի գերմանացի հայտնի ռեժիսոր Քրիստիան Փեցոլդի վերջին՝ «Ունդին» ֆիլմի երեւանյան պրեմիերայով։ Ֆիլմը 2020-ին ներկայացվել է Բեռլինի կինոփառատոնի մրցութային ծրագրում։ Կինոնկարի պրեմիերան տեղի կունենա նոյեմբերի 9-ին, ժամը 18։00 KinoPark կինոթատրոնում։
❗ Գերմանական ֆիլմերի ծրագրի շրջանակում կներկայացվեն նաեւ Ալլա Կովգանի «Քանինգհեմ» կինոնկարը, որը յուրատեսակ 3D վավերագրություն է պարի ասպարեզում հայտնի Մերս Քանինգհեմի մասին, Բեռլինալեում 2020-ին «Լավագույն առաջին խաղարկային ֆիլմ» մրցանակի արժանացած Մելանի Վալդեի «Մերկ կենդանիներ» ֆիլմը, Լուքաս Ռայթերի «Համբի» վավերագրական բնապահպանական կինոնկարը եւ սերբագերմանական համատեղ արտադրության մրցանակակիր Սրջան Գոլուբովիչի «Հայր» ֆիլմը։
Կինոցուցադրությունները կկայանան նոյեմբերի 9-26-ն ընկած ժամանակահատվածում «Կինոպարկ եւ Cinema Star Armenia
կինոթատրոններում։
Որպես Գերմանական ֆիլմերի ծրագրի մի մաս, կկազմակերպվի նաեւ Քրիստիան Պետցոլդի հետ առցանց զրույցը, որը հասանելի կլինի փառատոնի կայքում եւ կհեռարձակվի սոցիալական հարթակներով `ավելի լայն լսարանի համար:

Details

Start:
November 9 @ 18:00
End:
November 26 @ 21:00

Organizer

Goethe-Zentrum Eriwan