![Loading Events](http://goethe-zentrum.am/wp-content/plugins/the-events-calendar/src/resources/images/tribe-loading.gif)
- This event has passed.
Կինոդիտում. Դարպասապահի վախը 11-մետրանոցից
25/03/2020 @ 19:00 - 21:30
Event Navigation
![](http://goethe-zentrum.am/wp-content/uploads/2020/03/89029683_3051987511512731_9073073148139667456_o.jpg)
Դարպասապահի վախը 11-մետրանոցից
Ռեժիսոր՝ Վիմ Վենդերս
Արտադրման տարեթիվ՝ 1972
Տևողությունը՝ 101 րոպե
Լեզուն՝ գերմաներեն՝ հայերեն ենթագրերով
Ամսաթիվ՝ 25 մարտի, 2020
Ժամ՝ 19:00
Վայր՝ Երևանի «Գյոթե» կենտրոն (Մհեր Մկրտչյան 1, Հրապարակի հարևանությամբ)
Մուտքն ազատ է: Ֆիլմը կներկայացնի և քննարկումը կվարի կինոգետ, կինոռեժիսոր Գարեգին Զաքոյանը:
Ֆիլմից առաջ կցուցադրվի նաև Վիմ Վենդերսի «Վերադարձ Արծաթե քաղաք» (Silver City Revisited) 30 րոպեանոց կարճամետրաժը (1969):
«Դարպասապահի վախը 11-մետրանոցից» նոբելյան մրցանակակիր Պետեր Հանդկեի համանուն ստեղծագործության էկրանավորումն է (հետագայում Վիմ Վենդերսն ու Հանդկեն կհամագործակցեն նաև հանրահայտ «Բեռլինյան երկինքը» (1987) ֆիլմի սցենարի վրա): Դարպասապահը, խախտելով խաղի կանոնները, կարմիր քարտ է ստանում ու գնում տուն: Գիշերն անցկացնելով կինոթատրոնում աշխատող երիտասարդ կնոջ հետ՝ նա հայտնվում է մի իրավիճակում, երբ ստիպված է փախչել ոստիկանությունից: Ամերիկյան դետեկտիվների ազդեցությամբ ստեղված այս աշխատանքում, որը Վենդերսի առաջին լիամետրաժներից էր, նա նշմարում է իր ուրույն մեդիտատիվ ոճը, որը մի քանի տարուց Վենդերսին համաշխարհային փառք կբերի:
Վիմ Վենդերսը, Ռայներ Վերներ Ֆասբինդերն ու Վերներ Հերցոգը մեր օրերում կինոյի դասականներ են համարվում, բացառիկ տաղանդներ, ովքեր իրենց գործունեությամբ 1970-ականներին կերպափոխեցին գերմանական ու համաշխարհային կինոյի երեսը: Բայց որտեղի՞ց են սկսել ապագա վարպետները, ո՞նց են արել իրենց առաջին քայլերը: «Գյոթե» կենտրոնի կինոակումբի մարտյան ծրագրի շրջանակներում հենց սա ենք պարզելու՝ դիտելով ու քննարկելով դասականների առաջին կարճամետրաժ ու լիամետրաժ ֆիլմերը: