Loading Events

« All Events

  • This event has passed.

Դողան Աքանլը. Ընթերցում և քննարկում գրողի հետ

05/03/2020 @ 18:30 - 21:00

Սիրով բոլորին հրավիրում ենք շատ յուրահատուկ միջոցառման:
Մարտի 5-ին Գյոթե կենտրոնում տեղի կունենա գերմանաբնակ թուրք գրող Դողան Աքանլու հետ հանդիպում-քննարկում:

Տարին մեկ անգամ «Գյոթե ինստիտուտը» մշակույթների միջև երկխոսության խրախուսման համար առանձին անհատների շնորհում է Գերմանիայի Դաշնային Հանրապետության պատվո շքանշան։ 2019 թվականին այդ պարգևին էր արժանացել Դողան Աքանլին։ Հատկանշական է, որ գրողին այդ շքանշանին էր առաջադրել Հայաստանը։

Դողան Աքանլին իր «լռել չկարողանալու» պատճառով Թուրքիայում հալածանքների է ենթարկվել և մի քանի անգամ բանտարկվել։ Դրանում իր դերն է խաղացել նաև իր գրքերում արծարծվող Հայոց ցեղասպանության թեման։ Գրողն իր վեպերում բացահայտ խոսում է Թուրքիայում իրականացված Հայոց ցեղասպանության մասին, իրեն միջնորդ համարում հայ և թուրք ժողովուրդների միջև և ցանկանում է հասնել երկու ժողովուրդների հաշտեցմանը։

Աքանլիի գրչին են պատկանում գերմանալեզու հետևյալ գրքերը՝ «Ահեղ դատաստանի օրվա դատավորները», «Անհայր օրեր», «Ձերբակալություն Գրանադայում կամ Թուրքիան ներքաշվում է բռնապետության մե՞ջ», «Մոր լռությունը» պիեսը, ինչպես նաև «Մադոննայի վերջին երազը» վեպը, որից հեղինակը կընթերցի որոշ հատվածներ։

Միջոցառումը կլինի գերմաներեն և հայերեն:
Մարտի 5-ին, ժամը 18:30

Details

Date:
05/03/2020
Time:
18:30 - 21:00

Organizer

Goethe-Zentrum Eriwan

Venue

Goethe-Zentrum Eriwan
Mher Mkrtchyan Str. 1
Yerevan, 0010 Armenia
+ Google Map