Գերմանիայի դեսպանատան հրավերով Լաուրա Ցվիրտնիան երկու հրաշալի ընթերցում ունեցավ Հայաստանում. նոյեմբերի 29-ին Գյումրու Բեռլին Արտ հյուրանոցում, իսկ նոյեմբերի 30-ին՝ Երևանում: Դա մշակութային բազմազանությամբ, հուզիչ քննարկումներով և ոգեշնչող պահերով լի միջոցառում էր:
Ընթերցումից հետո տեղի ունեցավ քննարկում, որի շրջանակներում գրքի հայերեն թարգմանիչ Մարիամ Գուրզադյանի և գրական գործակալ Արևիկ Աշխարոյանի հետ խոսվեց նաև վեպի թարգմանության ու առհասարակ գրականության կարևորագույն դերի մասին։ Միջոցառումը վարում էր գրող և PEN Armenia-ի ղեկավար Արմեն Օհանյանը։
Լաուրա Ցվիրտնիայի հետ այս հանդիպումն, անշուշտ, կհիշվի որպես կարևոր իրադարձություն, որն արտացոլում էր սերը գրականության և մշակութային բազմազանության հանդեպ: Նման մշակութային կամուրջների միջոցով մենք երկխոսության հարթակ ենք ստեղծում և նպաստում մեր մշակույթների միջև փոխըմբռնմանը:
Լուսանկարները՝ Էդ Թադեվոսյանի
