Գրականության և թարգմանության անմոռանալի երեկո 
Լեզուների կախարդանքով ոգեշնչված՝ շաբաթ երեկոյան հավաքվեցինք՝ մասնակցելու մեր հայերեն-գերմաներեն գրական թարգմանության սեմինարի ամփոփիչ միջոցառմանը։
Ընթերցանությունը և դրան հաջորդող քննարկումն այս նախագծի կարևոր իրադարձությունն էին, որի ընթացքում անդրադարձ կատարվեց ոչ միայն բառերի ուժի և թարգմանչական արվեստի վրա այլ նաև թարգմանության բարդություններին ու մարտահրավերներին։
Ցանկանում ենք շնորհակալություն հայտնել ոչ միայն մեր սեմինարի ղեկավարներ Ռոզմարի Տիցեին և Վիբկե Ցոլմանին ու թարգմանիչներ Սուսաննա Եղոյանին, Շտեֆան Հայմանին, Գայանե Սոլկանին և Ջոնաթան Շպանգենբերգին, այլ իհարկե նաև մեր հյուրերին, ովքեր մեզ հետ միասին մասնակցեցին այս հրաշալի երեկոյին:
Ընթերցման ընթացքում հնչեցին հատվածներ Մկրտիչ Արմենի, Նարինե Կռոյանի, Տաթև Չախյանի և Դանիել Վարուժանի ստեղծագործություններից՝ գերմաներեն թարգմանությամբ։
Նախագիծն իրականացվել է Գերմանիայի թարգմանիչների հիմնադրամի աջակցությամբ։
